側田自從年前在大坑寓所內被拍得除帽現M字額後，他為捍衞其私隱，不惜年年搬竇。近期他大屋搬細屋，由半山寶德臺遷進私隱度極高的北角半山海景台，但人搬定了寓所，其演出卻變得不穩定，前晚側田在紅館開騷時竟甩嘴兼唱錯歌詞，認真失威。
側田的M字額自從年前曝光後，即時搬離月租10,000元的大坑第一閣到半山寶德臺，與譚詠麟做左鄰右里，但過着恍如游牧民族生活的他近月再次低調搬竇，遷進北角半山海景台，改與花旦佘詩曼為鄰。據知側田今次大屋搬細屋，租金三級跌，之前他住寶德臺月租約80,000元，面積2,700呎，但新居面積僅及舊居三分一，約1,037呎，月租約25,000元。
改歌詞自嘲
雖然側田新居有着落，但表演水準卻不穩定，他前晚假紅館舉行一連四場最後一場的《港樂x側田演唱會》，全場爆滿，但他卻在unplugged環節中兩度失準，唱《Erica》時甩嘴又唱錯歌詞，到rap時更臨時改歌詞自嘲，加了一句「我又唱錯歌詞」，到唱《走音》時又亂了節奏，後來他自我揶揄：「我又亂晒呀！」
現場有側田小學同學大叫他真名「羅定偉」，又有不少fans大叫「我愛你」，側田說：「男仔講呢啲好難開口，我都愛你哋，不過係朋友啫。」歌迷即大笑。後來側田唱《Blower's Daughter》前忽然感性說：「愛一個人比俾人愛更開心，可以令生命更滿足，我自問o依家未做到。」話未說完，有歌迷大叫：「唔好喊呀，不如你再講多次呀。」側田即繼續笑說：「晚晚都玩人。呢首歌對唔同人有唔同睇法，有啲人好sweet，有啲覺得好慘，瘋狂熱戀到為一個人改變自己，係好奇妙嘅事。」
「每晚甩少少」
慶功宴上，側田說：「相信每個人所謂嘅play boy，係唔敢面對一段穩定嘅感情，我睇完《007前傳》先知唔敢真正愛一個人嘅原因，人之初性本善。」談到表現失準，他說：「冇可能100%，每晚甩少少，不嬲啲人都知我對文字麻麻哋。」出席慶功後，他即坐車返新居休息。
雷頌德與未婚妻梁家玉和一班老友，前晚拉隊去捧側田場。
東方日報 - 雷頌德 為做老竇 先做老襯
快將與女友Jade拉埋天窗的雷頌德（Mark），暢談婚前男人的喜悅，但他坦承曾經採取拖字訣。
Mark前日接受本報專訪，他被問到準新郎哥心情是否好緊張時說：「決定咗唔緊張，反而決定前好緊張，因為我驚我承擔唔起，做人老公喎，責任大咗，要犧牲好多，所以決定前情緒唔係好穩定，好多時想拖，但唔可以再拖，因為年紀大啦，我好想有BB。」
Mark希望婚後做個好老公、好爸爸，他揚言會努力造人，Jade婚後會全力湊仔：「佢同我湊仔都叻，不過我好錫細路，阿Jade個仔我好錫o架，所以佢成日鬧我，將來如果自己嗰個，太寵佢會害咗個細路，我會警惕自己。」
周日拍拖大過天
Mark盛讚Jade個性隨和：「佢好體諒我嘅工作好忙，因為佢知我唔可以放鬆，工作上我都有好大責任，有時佢都會哦吓，但唔緊要啦，呢幾個月我規定自己，星期日唔再做嘢，要真係抖吓陪佢，佢都黐我o架，總之我冇嘢做就一定返屋企交人，我都唔出去玩嘅。」
雷頌德與Jade郎才女貌，兩人更是湊仔高手。
太陽報 - 雷頌德婚前恐懼一味拖
沒有留言:
發佈留言